Endlich wieder…
Dr Power Day vom Heiko
Noch ra ewiga Paus macha mer endlich au amol wiedr onsern hoißa Power Day.
Des ganze macha mer desmol aufm Schbortplatz vom TSV Schlierbach.
D’Adress: Dorfwiesaschdroß 35/1, en 73278 Schlierbach (Isch a Kunschdrasablatz).
Parkblätz fir Eire hoilige Blechla hods do grad gnuag.
Macha demmer des ganze am Sonndig dr 26.02.2023 von Neine bis om Oise rom.
>>>OMELDEFORMULAR<<< Do hanna kosch nakligga zom de amelda.
Uffbassa!: Entlaschda, on ed Belaschda, deswega kennadr eich bloß iber des Formular auf onsrer Homebage omelda. Also rufad me bloß ed a ond schiggad mer au koi E-Mähl. Des agzebtier i desmol nämlich nemme.
Amelda kennadr Eich bis Sonndig dr 19.02.2023.
Wies halt emmr so isch koschd des halt au a bissle ebbas, also gnau gnomma 89 Eiro
Damit i ed so viel Schoddr mit mr romschlebba muas soddad r mr 50 Eiro auf mei Kondo iberweißa, aber erschd wennr d Omeldebeschdädigung kriagt hend.
IBAN: DE98 6106 0500 0783 4290 02 | Volksbank Göppingen
Dr Reschd, also dia 39 Eiro brengadr bidde mit noch Schlierbach.
Drmit älle an dem Dag im gleiche Kiddel romsaue kennad geids a Hemmadle drzua.
Vergessad mr also en dr Omeldung ed d Greße mit ozumgeba.
Drmit der Schbordblatz ed aus älle Näht blatzt kennad hegschdens 35 Leid midmacha.
Wies hald emmer so isch muasch de au a bissle Absichra, deshalb muaschd des agzebdiera Teilnahmebedinungen.
